MUQODIMAH ( PAMBUKO )

Muqodimah

( pambuko atur )

  Kanthi ngaturaken puji raos syukur dumateng ngarso dalem Dzat Hyang Moho Agung , ingkang tansah paring nugroho dumateng kito soho sak isining ngalam,

            Ing mriki ingkang nyerat gegebengan ilmu urip inggih satunggaling pangudi roso

Wonten Kaweruh Urip sonyo ruri sangkan paraning dumadi , hambok bilih dipun keparengaken lan kinersak’aken mbedah ingkang satuhu lebdo lebeting gegebengan Kaweruh Kasunyataning Urip lan Kasampurnaning Urip Ingkang kapethik saking  REFERENSI – REFERENSI TAUCIHD JAWI  ingkang sak meniko sayo kependem lan nuwuhaken benceng cuweng ing pemanggih pengertosan , lan njalari ing kawotenan soyo dadi risaking kahanan kapribadenipun manungso ing alam sajeroning panguripan. Kathah manungso ketawisipun urip nanging boten  ngertos uripipun , gadah mripat nanging  wuto, sami madosi ingkang sanes dipun padosi, wonten ing panguripan kados dene gabah den interi anggenipun ngupoyo mukti panguripan ing ngalam donyo , tan Eling uripe, manungso ora weruh manungsone ( Koyo mayit mlaku dewe ).

            Pramilo sumonggo dumateng sedoyo poro kadang ingkang sami ulah roso anggenipun  lumampah angudi ilmu kasunyatan lan kasampurnaning Urip , dipun teliti lan dipun galih kanthi penggalih wening , tanggap ing sasmitoning ghaib, lantip ing panggraito ,setiti ati –ati waspodo ing wedaran – wedaran ing wingking , sampun ngantos sak mangke manggihaken klentu ing pemanggih bilih ingkang dipun wastani Ilmu Kasunyatan Urip meniko boten saget dipun ukur kanti ukuran ngalam donyo sahinggo yen sak mangke mboten dipun galih kanthi wening saget ugi kandek dateng MISTIK ( mahkluk nyembah mahkluk ),  Yektosipun ingkang kawastanan Kasunyataning urip wonten ing gegebengan Ilmu Urip meniko mboten kasunyataning alam donyo ( Barang Anyar Katon ) lan poncodriyo ( mripat, irung,kuping, pengroso/ilat, panggepokan ) boten badhe saget nyumerepi kawontenan Kasunyataning urip, amargi sejatosipun  ingkang dipun wastani Kasunyatan meniko inggih Kasunyataning Dzat Kang Wajib Anane ( Ora Katon ning ono = mripat ora weruh = ora keno diarani = tan keno kinoyo ngopo ) ingkang Kagungan Sifat Wajib 20, Muhal 20  lan Wenange 1 dipun beber dados 10 wajib sak muhale , sak derenge anggelar/ nyipto langit Bumi sak isine lan sak sampune anggelar langit Bumi sak isine sifatipun tetep langgeng mboten kawitan lan pungkasan , mboten obah lan owah.

            Wasono mugi-mugi sedoyo poro kadang ingkang sami ulah kebatosan tansah pinaringan Cahyo pepadang soho nugroho saking Dzat  Hyang Moho Agung , dipun dadosaken  walinipun utawi utusanipun  ingkang pinilih dining Dzat Kang Akaryo Jagat , Tan ono janmi ingkang wikan , Kesampar kesandung Kathah janmi ingkang boten dunung, margi boten Kathah ingkang dipun pilih lan dipun dunungaken.

            N u w u n……

                                                                                                                                                                                                                                                               Nganjuk,  15   -  12 – 2011.                                                                                                                                  Kasusun dening ;

                                                                                                    IWAN SETIAWAN