TATARAN ILMU ALLOH

 BAB TATARAN ILMU ( KAWERUH) URIP

            Tembung tataran ilmune Pengeran ( KAWERUH URIP ) ono 4 ( papat ) ,lan tataran panembah jati mring pengeran yoiku : 

1. ILMU SYARI’AT = kaweruh  LAHIR = kaweruh  ROGO :

                                               Tegese pernatan ( tatanan ) panggonane ono ing lisan ( muno-

                                               muni ), wong – wongane kudu niat, pasucine nganggo banyu

                                               ( kemu ,adus , wudhu ) , manembahe kanthi patrap miturut

                                               Keyakinan utowo  agamane kang dianut, sing duweni anggota lahir.

            KETERANGAN :

            Dadi Ahli Ilmu syari’at /Ilmu lahiriah iku Ahli manut opo ujare ( jarene – jare ),

            Keyakinan gugon tuhon, anut – anutan. Tandange lan amale meturut hokum HALAL

            LAN HARAM, BENER LAN LUPUT , OLO LAN BECIK  kang diyakini kanthi

            kandhel banget , amargo ing hukum halal lan Haram kang mbeda’ake pakartine lahir

            karono anut grubyuk kagowo soko ombyaking Wong akeh . tumuse banjur dadi katut

             ( melu – melu ) nunut nyembah mring pengeran miturut toto corone agamane  dewe –

            dewe.  Dadi senajan ngono iku wajib, kasebut keyakinan : WAJIBUL YAQIN.

            TULADANE :

            Susilo bambang yudoyono (SBY) iku pawongan  soko kutho pacitan , Lan saiki

            jumeneng Presiden RI. Bisone ngerti ngono iku mau awit soko suorone ( ombyak’e )

            wong akeh. Dadi yen soworo ( ombyak ) mau luput , keyaqinane ugo melu luput

            ( ciloko ).

            PEPUNTONING ILMU ( KAWERUH ) SYARI’AT :

                                               Tegese tataran panembahing Lahir / Rogo, sesucine sarono

                                               banyu ( wudhu, adus , kemu ), katrimone bakal mahanani ;

                                               TATARAN MA’RIFATING SYARI’AT ( weruhe ponco driyo ).

                                               Pakartine poncodriyo anekseni Gumelaring Langit Bumi sak

                                               isine yoiku APENGALE PENGERAN .( wan. Njk.)

2.      ILMU THORIQOH = TAREKAT = BATIN ;

                                   Tegese Dalan utowo lelaku, panggonane ono ing ati, wong –

                                   Wongane kudu tandang, sesucine tinggal Rumongso hasut ;

                                   1ri , drengki, meri ,jajil, methakil, dahwen, panasten, kurang open,

                                   Serakah lsp.

                                   Manembahe kanthi : WELAS ASIH, sing duweni ati.

                                

                                     KETERANGAN :

                                   Ilmu Ati / bathin iku sawijine tataran sing wis ngancik babakan

                                   Kebatinan , lakune disaranani nganggo tarak broto / mesu budi.

                                   Dadi sejatining Ilmu Ati iku tataran lelaku adedasar pengertian

                                   ( ulah pikir / angen – angen ) kang miguna’ake akal lan ngerti

                                   Kanthi sarono soko buku – buku , wirid – wirid , meguru, tetakon,

                                   Sarasehan – sarasehan Lsp.

                                   Wose : Ilmu Ati iku sarono miguna’ake akal kanggo ngoncek’i

                                               Tondo seksine pengeran dewe.

                                   Tuladhane : Ngerti yen tethukulan iku urip, sebab kadunungan

                                               “opo “ ?

Sarehning pengertian kang migunak’ake ilmu pengetahuan mau  wis ora owah gingsir, mulo ing tataran Ilmu Thoriqoh / Bathin kasebut : Keyaqinan AINUL YAQIN.

TULODHONE :

Ngerti yen Susilo Bambang Yudayono ( SBY ) Jumeneng Presiden RI, awit wus pernah ngliwati Ngarepe Istana merdeka lan pernah ngrungo’ake pidatone. Dadi ancer – ancer omahe SBY wis ngerti ngono wae, nanging durung pernah ketemu karo

SBY dewe.

PEPUNTONING SEMBAHE ATI  YOIKU :

                                   Tegese Welas Asih lan tresno asih marang OPO LAN SOPO WAE

                                    ( sesamining TITAH ) , sasucine kanthi sarono meper , ngeker

                                   Howo nafsu ( Tinggal Rumongso Hasud ).

                                   Katrimone bakal mahanani MA’RIFATING THORIQOT ( yoiku

                                   Weruhe tri indriyo ; akal , pikiran , angen – angen ).(Ngjk wan.s)

3.      ILMU HAKEKAT = SEJATI = KASUNYATAN  = NYOTO ;

                                   Tegese Nyoto , panggonane ono ing nyowo, wong – wongane

                                   Kudu tinggal rumongso ( ORO NGRUMANGSANI ), pasucine

                                   Tinggal Riya’ , takabur / sombong.

                                   Manembahe Kudu Sabar, sing duweni Nyowo.

KETERANGAN :

                                   Ilmu Hakikat iku dalan Panembah jati kang sarono ora

                                   Rumongso lan ora di Rumangsani ( Ora dikrentek lan ora di

                                   karep ), pakartining AKU ijen – ijen wis kasisihake. Dadi Kang ono

                                   Hamung pakartining “ AKU “ sawutuh / sawiji , lan ugo kasebut

                                   Ora Ngrumangsani “ ANANE AKU “ ( ngorak ‘ ake ).

                                   Ing tataran iki kasebut : KEYAQINAN HAQQUL YAQIN, tegese

                                   Weruh Kasunyataning Dzatulloh  ( MA’RIFATING HAKEKAT ).

TULADHANE         :

                                   Yaqin yen SBY Jumeneng Presiden RI jalaran wis Mlebu Omahe

                                   Nanging Durung Ketemu adep – adepan karo SBY. ( maqom

                                   / Baitulloh  )

Pepuntoning SEMBAH HAKEKAT / SEMBAH NYOWO  yoiku :

                                   Panembahing Roh ( Sukmo ), sesucine kanthi sarono awas lan

                                   Waspodo, eneng lan ening, yoiku weruhe roso jati.

                                   Ing tataran iki kalebu tataran kang Gawat, jer ing kono arep

                                   Nemoni lelakon kebuka’ing warono ( qijab / aling2 / Rumongso)

                                    kang dadi Lantarane kabisan nyisihake “ ROGO LAN SUKMO “

                                    ( pangleburn “ Praktek SIR NING “ ).

Bakune ing tataran Hakekat iku Panembah kang WUS KATARIMO, sebab kang di Gandrungi wis pernah KETEMU senajan durung biso SALAMAN. Amargo ing tataran iki kebuka’ing WARONO /ALING – ALING antarane KAWULO GUSTI wus keplok.

Mulo “ Sopo wonge kang temen – temen weruh ing pribadine, mesti temen – temen weruh ing pengerane “.

Sarehning hakekat iku panembahing JIWO ( roch ) lan Kahanane Kalimpudan ing roso ORA NGRUMANGSANI , mulo pratelane yoiku “ AKU IKI ORA ONO, KANG ONO IYO KANG ANGANANI “.

Dadi yen wus kelakon “ NYATA’AKE “ sampurnaning Hakekat ateges  wis biso kaleksanan Ngereh ROGOne dewe sarono ROCHe , Utowo Sifat lan Dzat wis sawiji.

Sak banjure ing tataran iki kang kasebut : loro, panas, adem , ngelu, mules – mules ,mati,

Lsp, ORA ONO. (Nyawiji = widhatul wujud )

T egese :

 Kang Iman , jumeneng ing diri , Hakekate  yoiku SEJATINING KERSO.

Ing tataran iki sejatining tataraning Jiwo kang Sumarah, pasrah sa- KERSANING HYANG WIDI, awit wus ora duwe rumongso “ ora melu –melu duwe “. Itikade podho karo : SING NYEBUT LAN SING KASEBUT SIJI, SING MANEMBAH IYO SING DISEMBAH SIJI( sinembah lan anembah siji ) ,koyo dene :” Maron ngarani yen lemah , lemah ngarani iyo podho karo maron”.

Lakuning toto lahir ing panguripan saben dinane yen wus katutur ing ndhuwur iku ateges

Sapari-polahe lan kersane hamung manut opo kang dadi kuwoso kersaning DZAT.

(ngjk wan.s)

 4.      ILMU MA’RIFAT = ( ILMU SUKMO ) :

                                   Tegese WERUH , panggonane ono ing pengroso , wong – wongane

                                   kudu weruh , sesucine kudu anteng , manembahe kudu sing Duwe

                                   pengroso.

KETERANGAN         :

                                   Tataran iki kalebu Keyaqinan ISBATUL YAQIN ; tegese Imane

                                   Poro Arifin kang  wis ditetepake  sampurno /TAUCHID ( Tingkat

                                   Keyaqinan tertinggi ).

Manembah Ma’rifat tegese panembahing Sukmo, sesucine kanthi ngipatake gegayuhan –gegayuhan / pamrih , melik Lsp ( ora keno Ngalap sak liyane Pengeran = Ninggal barang sak liyane Pengeran ).

Katrimone bakal mahanani : MA’RIFATING MA’RIFAT ( ma’rifat sejati / ma’rifatulloh). Weruhe ora gawe poncodriyo lan ora gawe tri indriyo, dadi wis oleh

Biso NYAWIJI( tauchid ) ono ing Kahanan Tan Keno Kinoyo Ngopo ( Alam Langgeng = Alam Kanirwanan = Alam Luhmahfud ).

Tembung Ma’rifat iku asal soko tembung Arab : Arapa ,Boso jowone  tegese WERUH, nanging ora weruhe mripat lan akal / pikiran ( pangerten ).

Tembung Ma’rifat  tegese babagan  Meruhi  ing Kasunyatane Dzate Alloh kang Wajib

Anane , kang Gawe langit lan Bumi sak isine , ora sarono Mripat lan pikiran , kang kagungan sifat wajib 20 ( rong puluh ), Muhale 20 ( rong Puluh ), wenange 1 ( siji ) dibeber dadi 10  ( sepluh ) kang dadi Sumber sangkan paraning Dumadi. ( praktek nyata’ake / BAI’AT ).

TULADHANE           :

                                               Wis pernah sowan ing ngarsone SBY , sarto salaman lan

                                               Rembukan ( omong2an ).

            Dadi yen wis ing tataran  ma’rifat iku tegese sekabehing ilmu / kaweruh , roso , amal ,       ibadat, filsafat, Mantik , keindahan lsp, wis kempel dadi siji / sawiji ,wis biso mawas

            sabab lan musabab. Ugo kasebut : Dzikir Dzalallah , tegese Dzikiring Roso ono  ing

            sajeroning  Alam Luhut ( Alam Cahyo ), kawastanan ma’rifating ma’rifat ,

            sampurnanipun ora ono  Roso opo – opo.( Ngjk/iwan )

*************************************************

Iwan Setiawan

( Kang Ono Ora Ono )

WEDARAN BAB WUJUD ONO 10 ( sepuluh )

***************************************** 

     1.   WUJUD QODIMAH    : tegese Wujude Pengeran Kang Qodim.

2. Wujud Hadisah              : tegese Wujude Langit Bumi sak isine.
3. Wujud Dihni                  : tegese Wujude Ati , yoiku Ati Ngiyakinake yen

                                      malaikat iku ono.

4. Wujud Majazi              : Tegese Ayang – ayang kang ono ing koco ( Bayangan )
5. Wujud Haqiqi              : Tegese Nyoto yoiku wujude Dzatulloh.
6. Wujud Dati                  : Tegese Wujude panggepok’an Kasar – alus, yoiku

                                     Isarohe manembah / sholat Subuh 2 ( rong ) reka’at.

7. Wujud Sima’I              : Tegese Wujude Bongso Pangrungu , mengku werdi 4 ( papat )

                                     Yoiku ; Lor , kidul , wetan lan Kulon. Isarohe

                                      manembah / sholat Dzuhur  4 ( papat ) roka,at.

8. Wujud RIHI                 : Tegese Wujud Bongso Pengambu, Mengku werdi 4

                                            ( papat ) yoiku ; kenikmatan Lor , Kulon , Kidul  lan

                                             Wetan. Isarohe Manembah / Sholat Asar 4 ( papat ) Roka,at.

9. Wujud Bashori             : Tegese Wujud Bongso Peningal , mengku werdi

                                       Kenikmatan 3 ( telu ) yoiku Ngarep , Kiwo lan

                                      Tengen. Isarohe manembah / Sholat Magrib 3 ( telu ) Roka’at.

      10.  Wujub Tho’mi             : tegese Wujud Bongso Pengroso , kang mengku werdi

                                       Kenikmatanane ilat yoiku ; Legi , anyep , pahit , asin.

                                       Isarohe Manembah /Sholat Isa’ 4 ( papat ) roka’at. ( Ngjk/ wan )

WEDARAN BAB IMAN ONO 6 ( enem )

DIBEBER DADI 10 ( sepuluh )

===============================

            Keterangan Iman kang 6 ( enem ) yoiku :

1.      Iman Alloh

2.      Iman Rosul.

3.      Iman Malaikat.

4.      Iman Dino Khiamat.

5.      Iman Kitab.

6.      Iman Qodo’ lan Qodar.

Yen dibeber Iman ono 14 ( pat belas ) yoiku :

**************************************

1.      IMAN HIDAYAH       : tegese Pituduh / pepadang , werdine Ngadek’e  sholat,

                                         Oleh –olehe koyok padange awan.

2.      IMAN MA’ SUM        : tegese Iman kang di rekso, werdine Ruku’e  manembah /  

                                       sholat.  Oleh – olehe Koyok bengi Kang di rekso.

                                                                                                                                   

3.      IMAN MAQBUL            :

                                            tegese Iman kang di terimo , werdine Sujude Manembah.

                                            oleh – olehe Koyok dene barang teles biso dadi Garing,

                                                              Sebab diterimo srengenge.

4.      IMAN SYAHAR             :

                                            Tegese  Iman Wulan , werdine Lungguhe manembah /

                                            Sholat. Oleh – olehe koyo saben – saben wulan mesti

                                            Tanggal.

5.      IMAN MATBUK             :

                                            Tegese Imane Bongso watek , yoiku imane poro

                                            malaikat. Werdine Sembahyange poro malaikat ;

                                            yoiku yen ngadek tetep ngadek  terus , yen lungguh iyo

                                             lungguh terus , yen sujud iyo sujud terus , yen rukuk

                                            iyo rukuk terus.

6.      IMAN MAKSUM                        :

                                            Tegese Iman kang den Rekso , koyok dene Imane poro

                                            Rossul.

7.      IMAM MAQBUL                          :

                                            Tegese Iman kang den terimo koyo imane wong

                                            mu’min kang nglakoni / netepi Ilmu 4 ( papat ) yoiku :

                                            Syari’at , Thori’qot, Haqiqot, Ma’rifat.

8.      IMAN MA’KUF              :

                                            Tegese Iman Wong Kandek  / wong Ahli BIT ‘ AH.

                                            BIT ‘AH rupane ono 5 ( limo ) yoiku :

1.      Bit ‘ah wajib      : tegese Koyo wudzu kanggo wong kang nggepok AL – Qur’an.

2.      Bit , ah Sunat     : tegese koyo Peringatan Dino lahire Kanjeng Nabi Saw.

3.      Bit ‘ah wenang  : tegese Koyo netepake salaman sak wuse sholat.

4.      Bit’ah Makruh   : tegese koyo wong kang nyakralke / miguna’ake pitungan ;

                                   Pon , wage , kliwon , legi , pahing.

5.      Bit ‘ah Haram    : tegese koyo wong Slametan.

9.      IMAN MARDUD                     :  tegese iman kang di tulak , koyo imane wong

                                                     munafik

10.   IMAN TAK’LIT                      ; tegese imane wong sing anut - anutan , gugon tuhon.

11.  IMAN DALIL                           : tegese imane wong percoyo marang dalil tanpo

                                                     madlul.

12.  IMAN MUROQOBAH            :  tegese imane wong kang ahli nginjen/dzikir marang

                                                     Allah, Yoiku Imane wong Ahli Thoriqot.

13.  IMAN  HAQUL  YAQIN        :  tegese imane sing sak nyatane koyo imane wali

                                                     juhud.

14.   IMAN  HANGAINUL YAQIN ;

                                                    Tegese imane poro rosul , lan wong mu’min kang

                                                    kersa’ake dening Allah iyo iku wong kang ngerti

                                                          Dalil Ngerang madlul.

BAB KEDADEAN

            Pengeran ndadek’ake Manungso rupane Nabi ADAM, didade’ake songko unsur  4

( papat ), Yoiku wernone / rupane :

1.      GENI.

2.      ANGIN.

3.      BANYU.

4.      BUMI.

KETERANGAN  :

1. Geni                   : Wateke ngadek , pengeran ndadek’ake Nyowo songko Geni, mulo Nyowo

                    Di wajibake Tansah TEKUN SUJUD / ELING marang Gusti Pengeran.

                    Imane iman Hidayah tegese Pituduh , oleh –olehe koyo awan padang.

2. Angin                 : Watak’e Ngrubuhno , Pengeran Ndadikake Ambekan Songko Angin ,

                                Ambekan diwajibake SABAR. Imane iman Maksum tegese direkso, oleh –

                                Olehe koyo bengi direkso.

3. Banyu                : Watak’e Munggah Mudun , Pengeran ndadik’ake getih songko banyu.

                    Getih diwajib’ake NARIMO ,NGLENGGONO ,LEGOWO , PASRAH.

                    Imane iman Makbul tegese Diterimo, oleh –olehe diterimo srengenge koyo

                    Barang teles biso dadi garing.

4. BUMI                : Watak’e meneng , Pengeran ndadik’ake awak songko lemah.

                    Awak di wajibake anteng. Imane iman Syahrar tegese wulan, oleh – olehe

                    Saben wulan mesti Tanggal.

  

BAB PONCO DRIYO  ONO 5 ( LIMO )

==============================

1. Mripat ( peningal ).
2. Kuping ( Talingan / pangrungu  ).
3. Irung ( pangambu ).
4. Ilat ( pengroso ).
5. Kulit ( panggepokan ). 

  

 WEDARAN

Bab Weruhe Poncodriyo

**********************

 Kang den arani weruhe poncodriyo  iku tegese :

1. Mripat / moto ( peningal ) kang kinodrat ameruhi bab :

    - Barang ( benda )

    - Rupo.

    - Warno.

    - Cahyo.

 

2. Kuping ( talingan ) kang kinodrat ameruhi : Suoro / Suworo.

 

3. Irung ( pengambu ) kang Kinodrat Ameruhi : Gondo

    ( wangi , basin , sengir , apek lan sak pinunggalane )

 

4. Ilat ( pengroso ) kang kinodrat ameruhi ; Roso.

    ( Legi , pahit , anyep , pedes , kecut , getir , gurih  ,...) 

 

5. Kulit ( Panggepok 'an ) kang kinodrat Ameruhi : 

    barang Kang Kasar lan Alus . 

 

======================================

********************************************